Breaking news

نواز شریف سیاست چھوڑ کر خود ساختہ جلاوطنی اختیار کرسکتے ہیں

اسلام آباد (ڈیلی جلا وطن ڈاٹ کام) برطانوی جریدے نے دعویٰ کیا ہے کہ نواز شریف سیاست چھوڑ کر خودساختہ جلاوطنی اختیار کر سکتے ہیں، سعودی عرب میں تمام معاملات طے پاسکتے ہیں، سابق وزیر اعظم پر دباؤ ڈال کر شہباز شریف کو جاں نشین بنانے کا اعلان کرایا گیا۔ پل پل بدلتی سیاسی صورتحال پر بھی تبصرے جاری ہیں، لیگی قیادت سعودی عرب میں موجود ہے، اپوزیشن جماعتوں نے بھی اے پی سی بلاکر فیصلے کرلیے۔جگہ جگہ نئے این آر او کی بازگشت سنائی دے رہی ہے۔ کیا واقعی کوئی تبدیلی آنے والی ہے؟؟ برطانوی اخبار دی ٹائمز نے دعویٰ کیا ہے کہ حکمران جماعت کے سربراہ نواز شریف سیاست چھوڑ کر خود ساختہ جلاوطنی اختیار کر سکتے ہیں۔ اس حوالے سے سعودی عرب میں معاملات طے پانے کا امکان ہے۔برطانوی اخبار کے مطابق نواز شریف نے سیاست چھوڑنے کی حامی بھر لی ہے۔ سابق وزیر اعظم نے دباؤ پر مریم نواز کے بجائے شہباز شریف کو اپنا جانشین بھی نامزد کیا۔ برطانوی اخبار نے دعویٰ کیا کہ خود ساختہ جلا وطنی پر نواز شریف کیلئے مقدمات سے چھٹکارا بھی ممکن ہے۔

About dailyjilawatan

© Copyright 2017, All Rights Reserved Dailyjilawatan Cheif Editor Muhammad Bilal Ahmed +92332-4965098 | Designed by Waqas 0334-4616233